فاضى

_فاضي
اعرفك!
_لا بس محتاجه اتكلم
وهوا عادي تتكلمي مع اي حد
_طلاما مش هشوفه تاني ف أه محتاجه أتكلم مع حد معرفوش
سامعك
أخدت نفس طويل 
_عارف انت لما شعور الفشل يبقا مسيطر عليك لما تحس انك مش هتعرف ابدا توصل للي بتحلم بيه انا حاسه اني فاشله مش عارفه أوصل لأي حاجه من اللي بحلم بيها دا حتي علاقتي مع اللي حواليا إذا كان قرايب أصحاب مش أحسن حاجه حتي دي فاشله فيها أنا كمان بخاف من المسؤليه فتلاقيني بهرب من أي مسؤليه معتمده علي اهلي فكل حاجه أنا واقفه مكاني مش بتحرك خطوه واحده بس أحس فيها بنجاح أو إني أكون فخوره بنفسي أنت عارف أنا حتي ربنا بعيده عنه كل أما اقرب من ربنا أبعد تاني يعني حتي إن أكون قريبه من ربنا فاشله فيه .

كنت بتكلم ودموعي مش حاسه بيها اتفاجئت أصلا إن أنا كنت بعيط وأنا بتكلم قمت وقفت
_أسفه أكيد ضيعت من وقتك كتير شكرا ليك مع السلامه
مش عارفه جبت جرأة منين إن أقعد مع حد معرفوش واتكلم كده بس أنا لو ماكنتش إتكلمت مع حد فعلا كنت هوصل لأفكار مش عاوزه أوصل ليها أبدا لو كنت اتكلمت مع حد من أهلي محدش كان فهمني وهيفضل ينتقد وبس كنت محتاجه بس حد يسمعني يسمعني وبس
روحت بيتي وأول حاجه فكرت فيها إن أصلي ومع أول سجده ليا عيط كتير وتكلمت كتير مع ربنا هوا الوحيد بس اللي عالم بيا لازم انجح في قربي من ربنا لو فشلت في كل حاجه مش هفشل في قربي من ربنا
_انت
سعيد ان قابلتك تاني
_بعد اذنك
استنيالمره اللي فاتت سيبتك تتكلمي وتطلعي اللي في قلبك محبتش أعلق عشان متأكد إن كل اللي انتي محتجاه إنك تتكلمي تسمحيلي النهارده اقولك ليه متحاوليش تنجحي ليه إستسلمتي بسرعه طبيعي جدا إنك تفشلي مره واتنين ومليون بس مش معني دا إن أقف مكاني لا بالعكس دا يخليني اقوم تاني واحاول وعاوز اقولك مش وحش ابدا انك تعتمدي علي أهلك بس لازم برده يبقا ليكي دور ولو علي علاقتك بالناس مش يمكن هما مايستهلوش انك تكوني في حياتهم انما بقا لو نروح علي علاقتك مع ربنا ف انتي عارفه انك مقصره وطلاما وصلتي لهنا يبقا اكيد هترجعيله استأذنك مع السلامه
كلامه كان عامل زي المطره اللي نزلت روت أرض جافه تقريبا دا الكلام اللي كنت مستنيه أسمعه الكلام اللي كنت محتاجه أخد بيه دفعه إني أكمل هوا إزاي عمل كده وإزاي سرق تفكيري بكلامه كلامه اللي بيتعاد في دماغي لوحدة وبأستمرار مشيت وأنا أول مره أحسن إني مبسوطه وإني في يوم هوصل للي عوزاة أنا بحب جدا الكتابة نفسي أوصل واتشهر وابقا معروفه زي ناس كتير اووي ممكن مستعجله علي إني أشوف النجاح دا عشان كده يأست بسرعه فأنا هصبر وبأذن الله ربنا يراضيني
_دا بجد انتي لو قصداها مش هنتقابل كده
ضحكتبجد مش فاهمه في إيه!!
_عشان تبقي تقولي أوي لو مش هشوفك تاني ف أه
ما كنتش أعرف إننا كل شويه هنتقابل كده
_بتعملي إيه هنا جايه لحد
لا جايه عشان أخد ورشه كتابه
_ فعلا
اه ليه!
_لا أبدا بس إتفضلي عشان متتأخريش تقريبا هيبدأ الوقتي
تمام شكرا ليك تاني
كنت متحمسه أوي حبيت أطور نفسي عشان أوصل للي نفسي فيه مش عيب أبدا أعرف عيبي واصلحه انما العيب اني اكابر علي الغلط الباب إتفتح وبجد هنا خدت الصدمه اللي بجد
دخل واتكلم بإبتسامه جميلة
_أهلا بكتاب المستقبل نورتوني بجد أحب أعرفكوا بنفسي أنا آدم فوزي روائي وأنا اللي معاكو في كورس كتابه رواية ومع بعض هوصلكوا لأول الطريق في إنك تكون متمكن في كتابه روايه وبأذن الله نستمتع ونستفاد كلنا سوا
أنا كل ده ومش مركزة في كلمة بجد أنا من الصدمه سافرت يجماعه حد يلحقني مش كده مش قادرة اصلا اصدق ان دا الكاتب المشهور اللي انا مغرمة بكتبه شخصيته كاريزما اوي بجد أسلوبه يخطف أي حد إزاي قادر يخطفني بجد بالاسود ده
_ي انسه ي انسه
افندم معاك
_متأكده
اه اكيد
_طب لو كده تقوليلي بقا انا قولت ازاي نبتكر فكره ل روايتنا
.....
_ركزي معايا ي