رواية اية
المحتويات
احكيلك اي حاجه مراتك بتحبك وبتحبك اوي كمان
عزيز بتحبني ازاي وهيا بتضحك عليا وبتستغل اللي انا فيه وتستغفلني
رامي كل حاجه في دماغك من ناحية حليمه غلط وانا هعرفك الصح دلوقتي
رامي بدا يحكي كل حاجه لعزيز
عزيز انت ازاي ما تقوليش حاجه زي دي
رامي بصراحه حليمه كانت عايزه تقولك كل حاجه من اول يوم اكتشفت فيه بس انا اللي قلتلها لا لاني ده كان هياثر على علاجك
رامي يعني
انت ظلمت مراتك مراتك الوحيده اللي وقفت جنبك وهي اللي خلتك تقف على رجلك وترجعلك نظرك وحياتك واول ما تفتح عينك وتبدا تشوف الدنيا تطردها من حياتك بدل ما تشكرها
عزيز ازاي انا شايف الفلوس والعلاج في الدرج بتاعها
رامي ما هي دي كانت خطتي انا انا اللي قلتلها تاخد العلاج والفلوس كل شهر من رجاء هانم عشان رجاء ما تشكش في حاجه وتبدا تفكر لك في مقلب جديد ومن ناحيه ثانيه كانت حليمه بتشتري لك دواء اللي انا بكتبه لها وتديه لك لحد ما ربنا تم شفاك على خير
رامي وليه ماينفعش
عزيز لاني هي خلاص طلعت من حياتي
رامي انت طلقتها
عزيز لا
رامي افتكر كويس طلقتها ولا لا
رامي انا مجاش في بالي موضوع الطلاق خالص كل اللي جه في بالي ساعته اني انا اطردها بره البيت انا نسيت خالص موضوع الطلاق ده
رامي خلاص يا عم تبقى هي لسه لحد الان مراتك تقدر ترجعها في اي وقت
رامي خلاص الموضوع ده سهل انت معاك قسيمه الجواز ممكن تعرف عنوانها من البطاقه بتاعتها اللي متسجله في قسيمه الجواز
عزيز تفتكر هي هترضى ترجعلي بعد اللي عملته فيها
رامي هي اكيد لو بتحبك هترجعلك بس قبل ما ترجعها البيت لازم تخلص من مرات ابوك لانها طول ما هي في حياتك هتفضل تخربلك حياتك
رامي خلاص يا صاحبي لو احتجت اي حاجه انا
جنبك
عزيز
هي قالتلك انها بتحبني
رامي من غير ما تقول باين من كلامها ومن عينيها أنها بتحبك وباين في عينك كمان انك بتحبها يلا يا عم فرصتك انك ترجعها واحمد ربنا انك مطلقتهاش
عزيز بدا يحاول يدور على عنوان حليمه لحد ما لقاه وقرر يسافر اسماعيليه لي حليمه عشان يرجعه معاه
اول ما حليمه فتحت شافت مراد شايل بوكيه ورد وواقف على الباب
خديجه جريت على الباب وزقت حليمه ومسكت في ايد مراد ودخلته جوه
خديجه ادخل يا مراد
مراد دخل وكان بيبص في عين حليمه اللي كانت عيونها كلها استغراب
خديجه دخلت الصالون مع مراد وحليمه دخلت وراهم
حليمه منور يا استاذ مراد
مراد ده نورك يا حليمه
مراد اظن انتي عندك خلفيه في اللي انا عايزه
حليمه احب اسمع منك
مراد انا جاي اطلب ايد خديجه
حليمه بصوت عالي
حليمه انت ازاي ليك عين تيجي تطلب ايد اختي
مراد هو الجواز اليومين دول بقى عيب او حرام
حليمه انت فاهم قصدي اي كويس اوي
مراد لا انا مش فاهم حاجه ممكن حضرتك تفهميني
حليمه ممكن تسيب اختي في حالها بقى وتخرج من حياتنا
مراد ياريتني اقدر اخرج من حياتكم العيله دي مكتوبه عليا وانا بصراحه عايز خديجه على سنه الله ورسوله
ام حليمه دخلت عليهم
ام حليمه انت اي مابتفهمش قلتلك معنديش بنات للجواز ويلا اطلع بره
خديجه اي اللي انتي بتقوليه ده يا ماما
حليمه اسكتي انتي وادخلي اوضتك
حليمه لا مش هدخل
مراد خديجه ادخلي اوضتك واسمعي الكلام
خديجه لا مش هدخل واسيبك لوحدك
مراد قلتلك ادخلي جوه
خديجه حاضر
خديجه دخلت اوضتها بس كانت ودنها معاهم
مراد انتوا ليه عايزين تفرقوا بيني وبينها
حليمه لانك انسان واطي وحقېر معرفتش تقدر عليا قلت اما اخد اختها عايز ټنتقم مني عشان فضلت عليك واحد تاني واتجوزته وعايز تعمل مع اختي اللي انت عملته معايا انت وامك بس انا عمري ما هسمح حد ېلمس شعره من اختي واللي هيلمس شعره منها انا همحيه من على وش الدنيا يلا اطلع بره واياك تدخل البيت ده تاني
مراد بصو انا مش هكتر في الكلام بس خديجه ليا سواء النهارده او
بكره هي هتفضل ليا انا وبس ياريت تفكروا في كلامي كويس وانا انشاء الله هاجيلكم قريب بعد ما تهدوا وتكونوا اخدتوا القرار
مراد خرج بره الشقه
حليمه انا مبقتش عارفه اعمل اي يا امي من ناحيه خاېفه على اختي ومن ناحيه تانيه مش عايزه اكسر قلبها وانا مش فاهمه اي هي نوايا مراد من ناحيتنا انا مابقتش عارفه اعمل اي
ام حليمه اهدي يا حبيبتي
ماتشيليش هم الدنيا فوق دماغك هدخل اعمل لينا لقمه ناكلها ونفكر براحتنا هنعمل اي
ام حليمه دخلت عملت سندوتشات وطلعت لحليمه
ام حليمه خدي يا بنتي كلي انت ما اكلتيش حاجه من الصبح
حليمه ومين ليه نفس للاكل يا ماما
ام حليمه لازم تاكلي عشان تعرفي تفكري عشان خاطري متكسريش بنفس امك وخدي الساندوتش ده من ايديه
حليمه اخدت ساندوتش من ايد امها
ومره واحده جرس الباب رن حليمه قامت عشان تفتح اول ما فتحت الباب شافت عزيز قدام منها
حليمه كانت طايره من الفرحه بس افتكرت اللي عملو فيها
عزيز القمر بنفسو اللي فاتح الباب واي ده وماسكه ساندوتش كمان
عزيز بدا ياكل حته من الساندوتش
عزيز الله ايه الحلاوه دي بس اقولك حاجه ناقص حبه ملح
حليمه كانت واقفه مبرقه مش قادره تصدق وآله قادره تتكلم
عزيز هتفضلي واقفه كده انا ماعنديش مانع بس هخلص السندوتش بتاعك
ام حليمه مين يا بنتي على الباب
عزيز اي ده دي حماتي صح وسعي كده يا شيخه خليني اتعرف على حماتي
عزيز دخل على ام حليمه
ام حليمه مين انت يا ابني
عزيز انتي اكيد ام حليمه صح
ام حليمه ايوه انا انت مين
عزيز وانا اقول حليمه طالعه قمر لمين طبعا طالعه زي مامتها
ام حليمه مين انت يا ابني وعارف بنتي منين
عزيز انا مش هلوم عليكي انا هلوم على بنتك اللي معرفتنيش على حماتي وكمان معرفتكيش على جوز بنتك
ام حليمه جوز بنتي هو انت جوز حليمه
عزيز ايوه يا حماتي
ام حليمه قامت فرحانه ام حليمه قامت وبدات تسلم على عزيز وعزيز يسلم عليها
ام حليمه يادي النور يادي الهنا شرفتنا ونورتنا يا ابني
عزيز البيت منور باصحابه
حليمه بت واقفه كده ليه تعالي سلمي على جوزك
حليمه مكانتش مستوعبه كل اللي بيحصل
عزيز سيبيها يا حماتي خليها متنحه كده المهم انتي عامله اي وصحتك عامله اي
ام حليمه انا كويسه يا ابني مش كنت تعرفنا كنا عملنا الواجب
عزيز كفايه مقابلتك ليا يا حماتي مش زي مقابله ناس وبدا يلقح على حليمه
مره واحده خديجه طلعت من الاوضه وكانت عيونها منفوخه من الدموع
ام حليمه تعالي يا بنتي سلمي على جوز اختك
خديجه طلعت اول ما شافت عزيز ابتسمت ابتسامه خفيفه
عزيز انتي اخت حليمه صح
خديجه هزت راسها بنعم
عزيز انتي شكلك تعبانه
خديجه شويه
عزيز طب اطلبلك الدكتور
خديجه لا شكرا انا هدخل ارتاح طبعا
البيت بيتك
عزيز
ربنا يخليكي
خديجه دخلت اوضتها تاني
عزيز وقف قدام حليمه
عزيز هتفضلي متنحه كده لحد امتى عرفيني لو هطولي ادخل انام شويه وابقى اصحى تاني
حليمه انت اي اللي جابك هنا
ام حليمه انتي ازاي تكلمي جوزك كده
حليمه بعد اذنك يا ماما بلاش تدخلي بيني وبين جوزي رد عليا انت اي اللي جابك هنا
عزيز جاي علشانك
حليمه انت مش طردتني من البيت بعد اذنك اطلع بره
ام حليمه يا بت عيب اسكتي
عزيز بعد اذنك يا حماتي هي فين اوضه حليمه
ام حليمه هي اللي قدامك دي يا ابني
عزيز شال حليمه على ايده
عزيز بعد اذنك بقى يا حماتي هدخل اصالحها وارجعلك تاني
حليمه نزلني انا مش عايزه اتصالح بقولك نزلني
عزيز دخل بيها على جوه وقفل الباب وراه
خديجه كانت مخنوقه اوي وكانت مڼهاره من العياط ما كانتش عارفه تعمل اي
مره واحده قامت لبست واتسحبت وطلعت من البيت وراحت على بيت مراد طلعت الشقه وخبطت على الباب
مراد فتح الباب مراد
مراد مالك يا حبيبتي وايه اللي جابك هنا
خديجه انت بتحبني
مراد انتي جايه هنا عشان تقولي انت بتحبني
خديجه رد عليا بقولك بتحبني
مراد ايوه بحبك لو مش بحبك هعمل كل ده علشانك ليه
خديجه خلاص لو بتحبني بجد تيجي بينا نطلع نتجوز دلوقتي
مراد مش فاهم
خديجه يعني انا مش صغيره واقدر اتجوز لوحدي واحط اهلي قدام الامر الواقع يلا بينا نطلع على الماذون ونتجوز دلوقتي
البارت الثامن عشر
خديجه لو بتحبني يا مراد تعال دلوقتي نطلع نتجوز ونحط اهلي قدام الامر الواقع المهم انا عايزه ابقى معاك
مرات اي الكلام اللي انتي بتقوليه ده انتي عارفه انتي بتقولي ايه
خديجه كل اللي انا عارفه اني انا عايزه ابقى جنبك حتى لو هتحدي العالم كله المهم انك تبقى معايا
مراد طب اهدي يا خديجه وتعالي نطلع نتكلم في حته تانيه غير هنا
خديجه طب وليه منتكلمش هنا
مراد علشان انا لوحدي ومينفعش ادخلك الشقه
وانا لوحدي
خديجه بس انا واثقه فيك
مراد لا مينفعش نبقى في شقه لوحدنا هنطلع نتكلم بره في مكان عام احسن
مراد خد خديجه بالعربيه ووصلها قدام بيتها
خديجه انت ليه جبتني هنا
مراد انا جبتك لبيتك اللي المفروض تبقي فيه
خديجه بس انا مش عايزه ابقى هنا انا عايزه ابقى معاك
مراد انشاء الله هتبقى معايا الكلام اللي انتي قولتيه مش حل لموضوعنا
خديجه هم عمرهم ما هيوفقو علي جوازنا
مراد الصبر انشاء الله في الاخر هنكون مع بعض انا عايزك قدام الناس كلها عايز اعملك فرح كبير عايز احطك في مكان انتي تستاهليه مش عايز بسببي اخليكي تخسري حد من اهلك
خديجه انت كده مبتحبنيش
مراد لا انا كده بحبك وعايز احافظ عليكي وعايزك تيجي بيتي ملكه رافعه راسك مش عايزك تدخلي بيتي وانتي كاسره عينك وخاېفه من اهلك
خديجه انا بجد مش هقدر ابعد عنك
مراد انزلي يا خديجه واطلعي نامي واطمني واللي ربنا عايزه هيكون ولو انتي نصيبي هاخدك ڠصب عن الدنيا كلها
خديجه جت عشان مراد مراد صدها بايده
مراد احنا في الشارع ومش من حقي حتي
خديجه فضلت تدمع واڼهارت من البكاء
مراد مراد ما كانش عارف يعمل لها اي حاجه وكان متكتف
مراد سامحيني بس انا فعلا عايزه احافظ عليكي
في الاوضه عند عزيز وحليمه
حليمه سيبني بقولك سيبني ونزلني
عزيز لا مش هنزلك هفضل شايلك كده لحد ما تقولي حقي برقبتي
حليمه بقولك نزلني
عزيز مره واحده نزل حليمه
حليمه انت عايز مني اي احنا مش خلاص فضينا الموضوع ده
عزيز هو احنا كنا بنلعب دور كوتشينه انتي نسيتي يا بت انك انتي مراتي ولا اي
حليمه انا كنت مراتك
متابعة القراءة
