انتى مين

عليك وعليها لازم نبقى معاك ما تقلقش مش ها يحصل حاجه 
حسن مش بمزاجنا انتو عارفين صدقونى ها اتواصل معاكووو وها اطمنو .... ياله ادعولى يا رجاله 
مصطفى وحمزه بقلق ربنا معاك وترجعو كلكم بالسلامه 
ديفيد نوارتونا 
مريم عايزا مننا ايه وانتو مين 
ديفيد قويه زيه 
جورى هو مين وانت عايز ايه يابن ال.... بتتشطر على ستات دا احنا ناكلكووو صاحين 
مريم اهدى يا جورى انا اسفه انك اتورطى معايا اكيد بيتكلمو عن جوزى 
ديفيد انا بفهم عربى كويس وانتى وفرتى عليا كلام كتير قوى جوزك لعب معانا وخسرنا كتيررررر ولعب لعبه هو مش قدهااا 
مريم ما بخفش واعلى ما فى خيلك اركبه ادام بتفهم عربى كويس وجوزى مش ممكن يبيع بلده لناس زيكو
ديفيد حتى لو التمن انتى والا فى بطنك والحلوه الا جمبك دى 
جورى بص يا امووور هى قالتلك ما بتخفش وانا بقولك مش ها يفرق معانا تهديدك دا واعملو الا انتو عايزينه .... 
دخلت بنت جميله جدا وبتقول لديفيد هى مين فيهم ....وديفيد شاور على مريم 
ليزا انتى بقى مرات حسن 
مريم ايوا عندك اعتراض ..... 
ليزا جوزك كان بيحبني 
مريم وهى متماسكه كدابه ومش ها تعرفى تهزى ثقتى فيه العبى غيرها 
ديفيد طلع صور ورماها لمريم لما كان حسن مع ليزا 
مريم مسكت الصور ووشها وملامحها مش بتوحى بأى حاجه ... وجورى جمبها مصدومه ومكسوفه من منظر الصور ..... رمتهم تانى فى وش ليزا .... بليهم واشربى ميتهم ولا يفرقو معايا .......
مريم بأستفزاز مش دى الا أغير منها وواضح انها 
ليزا قامت ومسكت مريم من شعرها وجورى مسكت فيها وضړبتها ومريم بتحاول تبعد ليزا 
ديفيد ليزا اتوقفى حالا واطلعى برا 
ليزا بغل طلعت بعد ما مريم وجورى بهدلوها بس مريم اتخبطت فى بطنها وحست بمغص 
ديفيد انتى لو مش عايزا جوزك ېموت ها تساعدينا 
مريم بۏجع اطلع برا انا مش ها اساعدك واحنا مؤمنين فوق ما تتخيل ومش ها تقدر تتضعفنى بأى تمن سامع 
ديفيد ها نشوف مش ها تقدرى تستمرى كدا كتير وقام وسابها وامر يقفلو عليهم الاوضه والحراسه واقفه برا
بيتر ايه الا ليزا بتقوله دا ديفيد معقول فى ست كدا 
ديفيد فجئتنى حتى حياة جوزها مش فارق معاها
بيتر مش بتحبه 
ديفيد بالعكس دى بتعشقه بيتر 
بيتر ها تتعبنا 
ديفيد جدا 
جورى مالك يا مريم 
مريم بطنى يا جورى البنت ضربتنى فيها 
جورى طيب نامى على ضهرك وما تتحركيش وهدى اعصابك اكيد مدايقه بعد ما شوفتى الصور أكيد يعنى 
مريم لا يا جورى حسن جوزى ما يعملهاااش انتى ما تعرفهووش وكمان هو ظابط جيش وقصت لها عن طبيعته وشغله .... 
جورى ببسمه ربنا يحميه 
مريم انما انتى ما تعرفيش عننا حاجه وعماله تدافعى بقلب جامد
جورى يا مريم انا واخويا على ابن عمى وانا وابن عمى على الغريب 
مريم صح يا جورى شكلك بنت بلد جدعه 
جورى ربنا يخليكى .... بصى بقى خليكى جامده كدا لازم نهرب منهم 
مريم وانا بقول كدا بردو بس ها اعمل ايه وانا ببطنى دى 
جورى .... ولا يهمك انتى بس اول ما يفتحو الاوضه نهجم عليهم ونحاول نهرب 
مريم بسذاجه تفتكرى ها ينفع 
جورى ها ينفع ما تقلقيش 
يزيد لا حول ولا قوة إلا بالله انتو فين دلوقتى يا احمد 
أحمد عند محمود فى البيت 
يزيد انا جايلك وليه مقولتوش من بدرى يعنى 
أحمد اتلهينا يا يزيد أعذرنا 
يزيد طيب ماشى انا ها أكلم ابراهيم وها اجيبه واجى وقفل 
داليا فى ايه مالكو كدا 
يزيد وهو بياخد مفاتيحه ونازل مريم اتخطفت 
داليا بشهقه استنى يا يزيد كلمنى مين الا خطڤها وانت رايح فين 
يزيد رايح لهم كلهم فى شقة مريم وكارما هناك وندى كمان لما عرفت سابت العياده
وراحت 
داليا أستنى انا جايه معاااك ...داده خلى بالك من عمرو 
الداده أمرك يا ست هانم 
صفيه بعد ما فاقت بعياط وحرقه يا حبيبتى يابنتى يا ترى عملو فيكى ايه يارب احرصها واحميها يارب 
كارما وعيونها كلها دموع اهدى يا طنط عشان خاطرى 
ندى بعياط طيب مين عمل كدا وليه هى اصلا ملهاااش علاقه بحد 
الرجاله قاعدين مع بعض القلق بينهش فى قلوبهم ومش فاهمين حاجه طيب لو حد خاطڤها عشان فلوس ليه

لحد دلوقتى محدش اتكلم .... وليه ملهمش أثر .. ولا يعرفو عنها اى حاجه ..... محمود قام فتح ودخل يزيد وابراهيم ومرفانا وداليا ....... 
ابراهيم ايه مفيش أخبار انتو بتقولو مخطوفه من الصبح ودلوقتى الساعه داخله على 7
أحمد لسا مفيش اى أخبار 
يزيد انا ها أكلم 
أحمد كلمته وقالى ان الموضوع كبير ومفيش اوامر حد يعرف حاجه دلوقتى ..... كل حاجه مبهمه 
يزيد انا قريب منه جدا ها احاول أطلع بأى معلومه وفعلا كلمه وبردو ماقالش حاجه بس ضاف ليه ان جوزها عنده خبر وهما ها يتصرفووو
محمود معنى كدا ان الا خطڤو مريم قاصدين حسن 
يزيد هو مقالهااااش صريحه بس من كلامه فهمت كدا 
محمود أسترهاااا يارب الستر من عندك 
داليا كارما خدى ندى وهاتى الاطفال واطلعو اعملو عصير لطنط عشان اعصبهاا تهدى 
صفيه والله ما ها ادوق حاجه غير لما ترجع