الصدفه
والي قلتله ياغبي بيراقبني وانا مش مركزة ولا شيفاه
قفلت مع ماما ولسة هاتحرك لقيته كسر عليا بعربيته كان هايخبطني وبعدها طار بعربيته وهو بيبصلي بشماته وبيضحك بعد مادمي نشف
هو في ايه النهاردة
روحت البيت بعد مااشتريت لماما الي طلبته
وحكيتلها الي حصل وبابا جه وحكيتله وطمنتهم ان الشركة كبيرة ومحترمة واتغدينا وتاني يوم وصلت في ميعادي
وعدا الاسبوع الاول بدون اي احتكاك بالمدير حتى مكنتش باشوفه خالص غير مرتين والمهندس ماجد كنت باقابله احيانا هو عنده مكتب طبعا بالشركة تقريبا مش بيدخله بس هو بيقولو عنه انه بيكره الرسميات وقعدة المكاتب وبيحب يشتغل بالمواقع بييجي يقابل اخوه كل كام يوم وكل مايشوفني يمسك خده ويقولي ياتشيزكيك ومر الاسبوع بدون احداث تذكر وانا مركزة في التدريب جدا بدأت اتعرف على الزملاء كل يوم اكتر وانا عاملة حدود دة طبعي طول عمري وبما اني هامسك منصب مهم لازم اكون محبوبة من الجميع ولكن مهابة ودة اتعلمتهومن بابا قبل دراستي
طبعا دة ميعاد التقييم وياترى هكمل
ولا لبعد مامديرة المكتب بلغتني بيني وبينها انها هاتوافق عليا
المدير
طلبها وبعد ساعة من اجتماعهم طلبني
دخلت لقيته بيقولي اتقضلي اقعدي بابتسامته الرقيقة
وبيقولي ان فاتن مبسوطة مني شكرتها وهو قالها اتفضلي انتي
بعد مامشيت قام اتحرك لحد الميني فريجدير وطلع لنفسه عصير فريش وجابلي واحدة
وقعد قدامي وقالي ياكارما انتي مقبولة معانا
تقييمك ممتاز استيعابك للشغل ممتاز علاقتك بزملائك على مدار الاسبوع عجبتني انك عاملة حدود وبنفس الوقت متعاونة وعندك روح الفريق
عاوزك تفهمي ان في كلام نتفق عليه و لازم تعرفيه وتوافقي عليه قبل ماتقرري تكملي معانا
بدأت اقلق
وفعلا كان عندي حق
الي سمعته يقلق ويخوف
To be continued
شكرا على كومنتاتكم وارائكم الجميلة شبهكم
بارت٣
قالي ياكارما قبل اي كلام لازم تعرفي انك هنا بير اسراري
يعني لو اټقتل قتيل وانا الي قټلته انتي ماشفتيش
بس لو غيري تشوفيه وتبلغيني
انا والإدارة عامة الي هما اخواتي الي مش متواجدين باستمرار مسئوليتك بس انا رئيس مجلس الادارة انتي عنيا هنا
كمل كلامه حتى هدومي تجهيزها مسئوليتك
الشغل معايا هايكون واتس اغلب الوقت
انا مذبهلة وعنيا مفتوحة على اخرها
قالي وهو بيضحك من رد فعلي متقلقيش القټل دة مجازا بس يعني حبيت اعرفك باكتر طريقة ممكن توصلك قصدي
ابتسمت وقلتله تمام بس في حاجة
انا محتاجة اقول لحضرتك اني نفسيا مرتاحة وكل الي حضرتك قلته تمام بس محبش حاجة اسمها عندنا ضغط شغل فتقوم حضرتك متعصب عليا لأي سبب
دة عمري مااتعرضتله ولا احب اتعرضله لاني بإذن الله مش هاقصر
ياستي انا مش عصبي في الشغل خالص مټخافيش
بس اخواتي في ٢ منهم عصبيين احيانا بس انا هانبه عليهم انك جديدة ومحتاجة معاملة خاصة
ضحكت فقالي وهو بيمد ايده بظرف خدي يازينة دة قبض الاسبوع الي عدا اعابريه مكافئة تدريبك لان شغلك الحقيقي ومرتبك هايبدأ من الاسبوع القادم
قلتله شكرا
قد ايه ارتحت لاسلوبه ورزانته وخفة دمه
قالي زينة عاوز مظهرك واستايلك بيرفكت طول الوقت مش معنى كلامي ان مظهرك وحش
بالعكس انا اخترتك زي ماانتي ومبيشغلنيش انتي محجبة ولا بشعرك بس يهمني الاناقة والاهتمام بالنفس يعني انتي واجهتنا
قلتله فاهمة اكيد
قال كدة اتفقنا في اي حاجة تحبي تسألي عنها او عاوز. تقوليها
قلتله لا كدة كل حاجة واضحة
قالي تمام روحي ويوم السبت تكوني هنا وزي ماقلتلك فاتن معاكي لسة بس انتي هاتبدأي تشتغلي بنفسك معايا وتتعاملي وتردي مهامك من يوم السبت وهي معاكي بتباشر بس
قمت مشيت وانا مبسوطة جدا اول مرة اقبض من حد غير بابا واحس اني بشتغل بجد وكدة وليا راتب محترم
روحت وحكيت لماما وبابا الي حصل بالتفصيل
بابا فرح جدا لانه سأل عن الشركة واصحابها واتأكد انهم ناس محترمة وسمعتهم نضيفة
وماما كالعادة عاوزاني اقعد في البيت
نزلت تاني يوم اجازتي بقى واخدت معايا انتيمة عمري سماح دي كانت زميلتي من اعدادي واختي وعشرة عمر كانت مسافرة عند اخوها مصطفى ومراته بتزوره وتغير جو في جدة ولما رجعت كلمتني نزلت معاها عملت شوبينج وحكيت ليها الي حصل وهي كمان حكتلي الي حصل معاها وقد ايه مرات اخوها وهي مليونيرةسعودية الچنسية وبتعشق اخو سماح وعملاله مشروع هناك بتقولي كانت كويسة معاها جداوفسحتها وجابتها هدايا
دردشنا وعدا اليوم وتأنقت كعادتي دايما ونزلت الشغل وبدأت اتعامل مع امجد بنفسي
طول الوقت بينده عليا هاتي ملف كذا ابعتي فاكس احجزيلي في مطعم اتصلي بشركة مذا في المانيا كلمي المحاسب وفاتن ملازماني وبتقولي اعمل ايه
ناقص شوية وأأكله
بس انسان محترم ولذيذ قبل ماامشي قالي اني ابعت لكل مديرين الاقسام يجهزوا تقريرهم الربع سنوي عشان يقدموه باجتماع بكرة
كلمت سكرتارية مكاتبهم وبلغتهم وروحت وانا مرهقة
وعدا شهرين وانا بشتغل وباجتهد وكله تمام
لحد مافي يوم حصل الي هايغير حياتي رأسا على عقب
يتبع
شكرا ليكم ولذوقكم وتشجعيكم
ولارائكم الجميلة
