رواية سيد القمر الاسود بقلم زينب مصطفى

بيكرهك وبيحب واحده تانيه غيرك برضه مش قادره تبعدي عنه وتسيبيه..
ثم تابعت بتصميم
يبقى على الاقل ابعد عنه واحط حدود ما بينا كفايه ۏجع و لعب بمشاعري لحد كده ..
الانسلال بهدوء خارج الفراش..
الا انها تفاجأت وهو يقول بهدوء
رايحه على فين احنا لسه الفجر والصبح لسه مطلعش
حبيبه بارتباك 
هروح انام هناك على الكنبه
مرر عمر يده في خصلات شعرها وهو يقول بحنان
ليه ..المكان هنا مش مريحك ..تحبي اخليهم يغيرو السرير والا نغير الجناح خالص
حبيبه بتوتر
لا الجناح كويس ..والسرير مريح وكل حاجه بس انا هرتاح هناك اكتر وعلشان انت كمان تعرف تنام وترتاح في سريرك

مين اقلك اني مش مرتاح بالعكس دا اول يوم انام فيه كده بعمق وراحه..
تململت حبيبه وهي تحاول الابتعاد عنه ..
معلش خليني اروح انام هناك احسن
ابتعد عمر قليلا عنها ثم اضاء نور الغرفه ونظر اليها بعبوس
في ايه يا حبيبه..مالك
ابتعدت حبيبه عنه وجلست وهي تقول بتوتر
مفيش حاجه ..انا بس قلقانه وعاوزه اعرف مصيري معاك ايه ..انا متلخبطه انت شويه تعاملني كويس وشويه تعاملني وحش وانا حقيقي تعبت..
اعتدل عمر جالسا هو الاخر ..ثم قال بجديه
مش عارف..دي الحقيقه وبمنتهى الصراحه ..مش عارف هاعمل معاكي ايه
ثم اضاف بجمود
المفروض كنت طلقتك من اول ماسمعت بالصدفه من شريف كل الي عملتيه..لا مش طلقتك بس ..المفروض كنت نهيتك خالص وعملتك عبره زي مابيقول قانوني الي انا عايش بيه 
بس انا معملتش كده او عشان اكون اكتر صدق معاكي مقدرتش اعمل كده ..لحد عندك وقوانيني كلها بتتكسر ومبقدرش أنفذها ..
ثم تابع پغضب من نفسه قبل ان يكون منها..
لا انا قادر انسى واسامحك ولا انا قادر اعيش معاكي طبيعي زي اي اتنين متجوزين..
سالت دموع حبيبه وهي تقول پألم
بس انا عندي الحل ..الحل انك تسيبني امشي وتنساني وتعيش حياتك مع الي بتحبها بجد
عمر بتعب 
و ان كانت الي بحبها خانتني يبقى ايه الحل
حبيبه بارتعاش
سامحها وعيش حياتك معاها هي بتحبك والكل شايف كده ..
نظر لها عمر بدهشه وهي تتابع پألم
يمكن جيلان تكون قبل كده سابتك واتجوزت واحد غيرك وانت اعتبرت دي خېانه..بس هي رجعت ليك وندمانه فبلاش تعاقبها وتعاقب 
نفسك معاها..
تحولت نظراته من الدهشه الى الصدمه وهو يضحك بقوه ويتراجع للخلف مستندا على الوسائد ثم قال بتهكم اثار ڠضبها
حقيقي كل مره بتبهريني لدرجة مببقاش عارف ارد واقولك ايه ..
مسحت حبيبه دموعها وهي تنظر له پغضب
ممكن اعرف انت بتضحك على ايه دلوقتي ..
عمر بتهكم غاضب
ماهو الكارثه انك فعلا مش فاهمه انا بضحك ليه..بس اقولك خليكي كده احسن وخلينا نوصل لحل يريحنا احنا الاتنين
تجمعت الدموع في عيون حبيبه مره اخرى وهي تقول بابتسامه مرتعشه
الحل سهل نتطلق وانا همشي وانت تكمل حياتك مع الي تحبها
اغمض عمر عيونه وهو يستمع لها بتعب وعقله وقلبه يتصارعان بداخله فقلبه يريد مسامحتها وبدء حياه جديده معها وعقله يرفض مطالب قلبه بل وينكرها عليه وينكر حبه وعشقه لها ويطالب بابعادها ..
عمر بجديه
اسمعي يا حبيبه انا عندي حل لكل الي احنا فيه..
ثم تنحنح وهو يشعر بثقل كلماته عليها وعلى نفسه
انا يمكن مبحبكيش وبحب واحده تانيه زي ما انتي بتقولي ..
بس الحقيقه ان انا كمان عندي احساس بيكي والاحساس ده لما هيروح بس هقدر هطلقك وانا مرتاح وهسيبك تمشي..
ثم تابع بجديه
واوعدك اني قصاد ده هحميكي من صادق و من اي حد يحاول يتعرضلك بأذى وهديكي كمان فلوس تقدري تبتدي بيها حياتك من جديد
نظرت له حبيبه بارتباك وابتلعت ريقها وهي تقول بتوتر
مش فاهمه حاجه..انت تقصد ايه بكلامك ده..
تنهد عمر بنفاذ صبر ثم قال بجديه عايز نكون زوجين طبيعيين
حبيبه پصدمه
ازاي يعني وانت مبتحبنيش وبتحب واحده تانيه
عمر محاولا الظهور بمظهر بارد
وايه المشكله .. والطريقه الوحيده للخلاص من المشاعر دي اننا منقاومش المشاعر دي ولا نحاربها وبعد شهر اتنين تلاته بالكتير والمشاعر بتنطفي وكل واحد بيروح لحاله ويشوف حياته.. وده الي احنا هنعمله
انتفضت حبيبه واقفه پغضب وزهول
طيب وانا ابقى ايه لما اوافق على حاجه زي كده..
وقال بهدوء
تبقي مراتي..واي حاجه هنعملها مع بعض في الشهرين تلاته دول ..حلال
حاولت حبيبه المقاومة وهي تقول پغضب
يعني عاوزني في حياتك لمدة مؤقته وبعدين هترميني وتطلقني وتقولي حلال
عمر ببرود
ايوه يا حبيبه حلال ..
وهو يقول پغضب مكتوم
وحلال اكتر واكتر من تمثيلك الحب عليا بأمر من إلي بعتوكي هنا
انسالت دموع حبيبه وهي تقول پألم شديد
الكلام ده مش مظبوط في حاجات كتير انت فاهمها غلط..
تركها وهو يقول بقوه
غلط والا صح دي حاجه مبقتش تهمني.. المهم موافقه على كلامي والا لاء..
وقبل ماتتكلمي اعرفي ان انا هنفذ كل طلباتك من غير مناقشه لاني تعبت يعني لو رفضتي هطلقك وفورا بس بطلاقك مني هتعتبر حمايتي مرفوعه عنك يعني صادق او غيره هيقدرو يوصلولك وبسهوله وافتكري برضه ان اقل حاجه عملوها انهم بمكالمة تليفون صغيره كانو هيلبسوكي تهمة.. ودا