روايه مكتمله
المحتويات
ماما بقي خلاص بقينا عيله واحدة
أميرة بابتسامة ماشي يا ماما
وكذلك صافحتها حنان وهنئتها بالزواج فيما نظر لها خالد بانبهار ف لأول مرة يراها عن شديد فظل محدقا بها وهو. يتابع في نفسه يا ابن اللعيبه يا عاصم عرفت تنشن بصحيح دي قمر ١٤ ..
تنحنح وقال غامزا لأخيه مبروك يا عاصم مراتك زي القمر
رفع خالد حاجبيه وتابع ايه يا عم بنقول الحقيقه
وكزته أمه في كتفه وهي تقول بعتاب إخرس يا خالد ميصحش يابني !
خالد ببرود آسفين يا عم عاصم
إبتلعت أميرة ريقها وتابعت بتوتر آآ أنا هعملكم عصير فريش عن إذنكم ..
قاطعها عاصم بصرامه خلاص يا أمي هي هتعمله من فضلك إقعدي أنتي
جلست حكمت ودلفت أميرة إلي المطبخ ... لينهض عاصم خلفها وإقترب منها قائلا بلهجه آمرة متخرجيش تاني بره يا أميرة !!
أميرة بذهول ليه يا عاصم ومين هيقدم العصير ويقعد معاهم
أميرة باعتراض يا عاصم دول جايين يباركولي إزاي أسيبهم كده ومخرجش يعني
عاصم بنفاذ صبر الي بقولك عليه يتسمع ولا أنتي مبتفهميش ! وعايزة الواد ده يفضل ياكلك بعنيه كده ... !
إنفعلت أميرة قائلة أنت إتجننت يا عاصم
قبض عاصم علي وهو يقول وعيناه تطلق شرار سمعتي أنا قلت ايه ولا مسمعتيش يا أميرة !! ولمي نفسك وإعرفي إنك بتكلمي جوزك !
وهو يتنفس بهدوء فنادي شقيقته قائلا حنان !
آتيت حنان قائلة نعم يا عاصم
عاصم ولا زال ينظر إلى أميرة بحدة إعملي العصير وتعالي ورايا قدميه للضيوف ... ثم تركهما وخرج لتشق أميرة بالبكاء وهي تضع يدها علي وجهها فإقتربت حنان تواسيها وهي تقول إهدي يا حبيبتي معلش هو عاصم زعقلك
مسحت أميرة دموعها ببراءة وهي تقول وأنا ذنبي ايه يزعقلي يعني
ضحكت حنان وقالت معلش أصل أخويا خالد ده مرح حبتين وعاصم بيغير عليكي روقي بقي يا ميرا ...
أومأت لها أميرة ومن ثم إتجهت إلي غرفتها لتجلس علي الفراش بحزن ولم تخرج كما أمرها عاصم ...
في منزل سعيد ...
ذهب سالم ليري سارة التي أصبحت جزءا من حياته حتي وهو يعلم أنها ترفضه !! ولكن كلام عمه كفيل بزرع الأمل بداخله ...
فتحت له سهام وقالت أهلا يا سالم إتفضل ..
دلف سالم وهو يقول ازيك يا مرات عمي ..
سهام بإيجاز بخير
جلس في حين أقبل عليه عمه سعيد وهو يقول إزيك يا سالم
سالم مبتسمآ الحمدلله يا عمي أومال فين سارة
إبتسم سعيد وقال جوه دلوقتي هتيجي تقعد معاك قولي أنتوا مرحتوش لأميرة ولا إيه
حرك سالم رأسه نافيا وقال لاء أمي قالت يروحوا بكرة عشان إيمان تعبانه وكمان اهل الزفت عاصم ده ياخدوا راحتهم ..
أومأ سعيد برأسه قائلا اها طيب هقوم أندهلك سارة
نهض سعيد وهي ينادي إبنته سارة بت يا سارة
أقبلت عليه سارة بتأفف وهي تقول نعم
سعيد بحزم شوفي ابن عمك يشرب ايه وافردي وشك لأرزعك كف يعدلك يابت
زفرت سارة بحنق وأسرعت إلي المطبخ وهي تهمهم هعمله سم هاري ..
ضحك سالم بلا مبالاه وهو يقول في نفسه بتقول ايه البت دي !!
بعد قليل عادت سارة بكوب عصير وبعض قطع الكيك لتضعهم أمامه وهي تقول بحنق اتفضل
إبتسم وقال تسلم ايدك يا سوسو
صرت سارة علي أسنانها وتابعت سوسو في عينك
سالم هو أنتي ليه مش طيقاني يا سارة
سارة عشان إنسان تافه ومستهتر ومبتحبش إلا نفسك وأنا بقي الي أتجوزه لازم يكون راجل !!
سالم بذهول وأنا مش راجل !!
حركت رأسها نافية وقالت راجل من أي إتجاه يعني ! تقدر تقولي بتعمل ايه في حياتك مفيد !! طبعا معندكش اجابه عشان فاشل
فغر سالم فاه وتابع أنا فاشل
سارة بسخريه أيوة طبعا هو أنت فاكر نفسك مش فاشل .... علي طول ساقت وكمان بتشرب سجاير والله أعلم
متابعة القراءة
