وقفت ليه ياعم ابراهيم

ده قعدت أعيط وفي وسط مانا بعيط جت بنوتة قعدت جانبي
إيه ده..بټعيطي ليه بالشكل ده مين مزعل القمر ده كده!
قلت باندفاع وسط الدموع من غير ما أفكر
بابا هو اللي كسرني.
باباكي ويكسرك يابنتي الكلمة كبيرة أوي أنا بتمنى أشوف ظل ابويا بس تاني.
انتي مش عارفة حاجة للأسف مش هقدر أحكي.. مش عارفة ينفع أحكي أصلا ولالا!
خلاص مش لازم تحكي بس إهدي كده.
مهتمتش لوجودها أوي كنت غرقانة في قلقي وخۏفي وأفكاري وفقت من أفكاري على صوتها الرقيق.

طب إيه رأيك تيجي معايا نشرب عصير قصب سوا وتروقي كده حبه
مشيت معاها من الواضح إنها طيبة بس برغم ده كنت خاېفة منها ..طول الوقت مكنتش بدي فرصة لنفسي أعمل صداقات بعد ما اتخانقت زمان مع صاحبتي وسابتني بقيت شايفة إنه أى صاحبة ممكن تسيبني في أى وقت زيها!

مشيت معاها لإن كنت مضطرة أدي نفسي الفرصة للتعرف على أى حد علشان مش عارفة هعمل إيه هنا.
حاسة إن بوجودي هنا بتخلى عني وبلبس ثوب شخصية جديدة فيها إيه لما أجرب مش هخسر حاجة!
أهو محل عصير القصب.
تصدقي أنا عمري ما شربت عصير قصب.
للحظة إفتكرت إن كل فلوسي خلصت في آخر شوبينج ومش معايا غير فيزا!
 أنا مش معايا غير فيزا عنده دفع بالفيزا
سيد عنده دفع بالفيزا ده انتي شكلك نزلتي الاعدادية مش طبقة اجتماعية.
يعني إيه
لا يا حبيبتي مفيش حاجة كده كده أنا عزماكي عالقصب ده.
مكنتش موافقة أشرب حاجة مش دافعة فلوسها بس كانت مصرة ف اضطريت أوافق بعد ما شربنا القصب اللي طلع طعمه جميل وكنت ظلماه بعدم تجربتي ليه زى ما فيه حاجات كتير في حياتنا بنخاف نجربها وبعد ما نجربها بتطلع مظلومة حتى العصير من حقه ياخد فرصة ف ما بالك الإنسان!
انتي إسمك إيه بقى
رنا وإنتي
إسمك جميل أوي يا رنا أنا إسمي ريم.
قعدنا نتكلم كتير ولحد هنا أنا مش فاهمة المفروض أعمل إيه ودوري هيبتدي فين!
أنا هسيبك بقى يا رنوش هروح بقى علشان ألحق أصل العصر.
مشيت وأنا لسه في مكاني مكنتش عارفة الخطوة الجاية فين...
فجأة لمحت من بعيد بنتين بيتخانقوا إفتكرت كلام بابا في الورق وعرفت إن دي أول مهمة ليا....!
قربت منهم وبدأت أفتح كلام معاهم وأحاول أشوف إيه مشكلتهم!
إنتي عاوزة تقطعي علاقتك بأختك
اللي زى دي إجتنابها أحسن مش عاوزة أعرفها تاني خالص.

إنتي ممكن تقطعي علاقتك بأى حد بس أهلك من دمك مهما تتخانقوا هتتصالحو وتتصافوا بعدين مهما تزعلوا مع بعض هتصحو تحضنوا بعض عادي جدا دي العلاقة الوحيدة اللي متقبلش خسارة وانتو عاوزين تخسروا بعض

ده لو الأهل سويين نفسيا مش زيها.
مش قصدي تدخل أبدا بس ممكن أفهم إيه وصلكم لكده
دي واحدة دلوعة بابي ومامي وكل طلباتها مجابة أما أنا محدش بيحبني بيهتموا بيها ويحبوها ويحتووها أنا مبيهتموش بيا ربع الاهتمام ده مش شايفة غير زعيق وبس.
قبل ما تكمل كلامها أختها ردت عليها باندفاع ودموع غير طبيعية!

طيب وأنا ذنبي إيه قليلي ليه تعامليني المعاملة القاسېة دي أنا عملت إيه!
هما حبوني ليه أدفع تمن حاجة مش بتاعتي هما مقرأوش عن التربية وعن اللي هيفرق في نفسية عيالهم ليه أتحرم من وجود أخت طول السنين دي كلها كل الناس بتحسدني عن نعمة وجود أخت بنت في حياتي وأختي موجودة زى الفازة اللي في البيت إسم وبس ليه تهمشيني وتعامليني المعاملة دي أنا إتحرمت من وجود أختي وهي عايشة أختي اللي كنت بتمنى نحكي مع بعض ونرغي وننبسط سوا كان نفسي أسراري تبقى معاكي إنتي خدتيني بذنبهم ليه أنا ذنبي إيه

وأنا كمان ذنبي إيه! كان لازم تحسي بشوية ۏجع ده أقل رد ليكي ليه انتي تاخدي كل حاجة حلوة وانا أتعامل وحش ليه انتي أحسن مني في إيه طيب
قبل ما أختها ترد عليها قررت أنا أرد!
ممكن تسمعوني
تعرفوا أنا معنديش أخت بنت أنا كل يوم بعيط خدت الدلع والحنية والفلوس وكل ما تتخيلوه بس كل ده مقدرش يعوضني عن وجود أخت إنتي شايفة إنك علشان إتحرمتي من الحنية الزيادة زيها كده قادرة تستغني عن أختك مقابلها
صدقيني لو حنية العالم كله معاكي مش هتغنيكي عن وجود أختك في حياتك أختك لو