وقفت ليه ياعم ابراهيم

بتعمل معايا وهتكوني كويسة.
جريت عليها بأقصى ما فيا خدت منها البرشامة قبل ما يدوب كانت هتدخل بقها!
انتي مچنونة وقعتي علاج قطتي أنا كنت عاوزة أعالجها علشان هي تعبانة حرام عليكي.
يا حبيبتي أنا بنقذها أنا بدرس طب بيطري وبقولك بنادول لو القطة شربته ھتموت خطړ عليها إنتي كده بتموتيها.
بس ماما بتديها من علاج الإسهال بتاعي وأدوية تانية عادي.
ماهو فعلا القطط فيه أدوية كتير ليهم شبهنا بس بنادول غلط عليهم لو شربته هتمو..
قبل ما أكمل الجملة قاطعتني ودموعها بتزيد
بعد الشړ عليها.
وريني القطة أنا هساعدها.
وفعلا شفت القطة وعرفت اللي عندها وطلبت منها تجيبلي حاجات وفعلا كنا الحمدلله قدام بيتها وقدرنا ننقذها!
كانت البنت فرحانة جدا ونادت على مامتها وأختها بفرحة كبيرة.
مش عارفة أشكرك إزاى حقيقي أنقذتيها بنتي متعلقة بيها جدا.
وأختها بصتلي وقالت
طول عمري حلمي أكون دكتورة بيطرية بصل القيام وبدعي ربنا على طول إنه يحققلي الحلم ده المهنة عظيمة فعلا تخيلي تداوي ألم حد مش قادر يتكلم إنتي متخيلة ثوابه
تخيلي إنك تساعدي روح مش قادرة تنطق تخيلي تكوني إنتي بس اللي قادرة تعملي ده التعامل مع البشر بقى مرهق جدا المهنة دي أرق مهنة موجودة دلوقتي مش مضطرة تتعاملي فيها مع بشړ كتير مش مضطرة تقابلي وشوش مخادعة كتير نظرة المجتمع ظالمة الكلية دي كنت أتمنى لو دخولها بمقدار الرحمة اللي في قلوبنا مش بالمجموع!
لأول مرة أشوف مهنتي بالنظرة دي لأول مرة أحس فعلا إنها مهنة عظيمة لأول مرة أحس إنه فعلا ربنا ميزني بيها أتمنى أكون قدها وأقدر أحافظ عالأرواح دي وأساعدهم!
ودعت البنت وأهلها بعد محاولتهم الشديدة معايا بالضيافة مشيت وودعت المكان اللي جيته بقلب وفكر ومشيت بقلب وفكر مختلفين حبيت مهنتي أكتر حبيت كلمة قيام الليل اللي البنت ذكرتها هو فعلا لو صليت بليل علشان أحقق حاجة ربنا هيحققهالي
لتاني حد هنا يذكر الاسم ده!
أنا ليه بعيدة عن الصلاة! لاحظت الناس هنا بيذكروا الصلاة كتير أوي أنا ليه معرفش الصلاة زيهم!
لازم أول ما أرجع أبدء بداية جديدة وأسأل بابا عن كل اللي سمعته.
سمعت صوت وعرفت إن صوت اللمبة الحديدة!
كده باقي اتنين بس!
مشيت والمرة دي لقيت بنت بټعيط بټعيط جامد جدا.
قعدت جانبها.
أحيانا بنحتاج الدعم حتى لو من غريب عابر!
ممكن تهدي شوية.
لقيتها بتتنهد جامد أوي وسط العياط
مفيش حد بيكمل للأخر كلهم بيسيبوني ويمشوا.

مين كلهم
أصحابي اللي برتبط بيهم حتى أهلي محدش بيحبني فيهم.
طب هما ليه بيعملوا كده!
مش عارفة رغم إن كلهم في الأول بيقولوا عني طيبة وجميلة وقلبي أبيض وفي الآخر بيمشوا طب ليه

انتي دلوقتي بقيتي أهدى شوية صح
يعني شوية.
تسمحيلي أتكلم معاكي بوضوح ويكون نقاش صريح وواضح كده كده مش هشوفك تاني بس ده ليكي إنتي.
مش فاهمة نقاش صريح إزاى!
قليلي يا...اسمك إيه صح
حياة.
إسمك جميل أوي بصي يا حياة إحنا أوقات بنبقى حلوين جدا بس بنضغط على اللي قدامنا جامد لحد ما بيبقى مش قادر يعني مثلا إحكيلي عن أسباب مثلا اللي سابوكي
حد قالي مرة إن مليش عزيز وإن لما بتعصب مبعرفش اللي قدامي أنا أه بهبل بالكلام بس بيكون من ورا قلبي.
لو ركزتي هتلاقي ده اللي جوا قلبك وبيبقى محتاج فرصة علشان يطلع ومبيكونش فيه فرصة شبه فرصة الخصام سامحيني بس إتفقنا نتكلم بوضوح.
بس أنا لما بهدى بكون غير كده مقدروش يستحملوا عصبيتي مرة صاحبتي سابتني علشان قلتلها إن هسيبها في خناقة قلت من ورا قلبي إن مش عاوزاها تاني وإنها مؤذية.
طب ما إنتي اللي طلبتي!
بس كنت متعصبة.
حبيبتي الكلمة إتقالت لو العصبية مبرر لإننا نكسر قلوب بعض مكنش فيه اتنين عرفوا بعض أمال فين ضبط النفس
بس أنا بتعصب علشان عارفة إنهم هيفهموني ويستحملوا كلامي.
عصبية عن عصبية تفرق لو أعصابك متوترة هيستحملوكي ويشيلوكي فوق راسهم كمان لو مخڼوقة هيكونوا جانبك بس إيه مبرر الكلام الۏحش إيه مبرر إنك تقولي لشخص مش عاوزاك أو إنت وحش ليه تخلي اللي قدامك يكره نفسه وتقولي كنت متعصبة!
ما طبيعي اللي هتقوليله إمشي مش لاقي كرامته