وقفت ليه ياعم ابراهيم

برا حكمت عليا إن إتخليت عنها زمان.
وإنت شايف إن الحب يستاهل إنه تكره نفسك علشانه
مش الحب اللي يستاهل هي اللي تستاهل.
بس إنت لازم تحب نفسك حب مش مشروط لازم تحبها سواء الناس معانا أو لا لازم تحبها في كل حالاتها وفي كل الظروف نفسك هي الداعم الوحيد ليك نفسك هي اللي هتخليك تنجح وكل اللي رفضوك هيندموا إنهم مكنوش مقدرين قيمتك قيمتك فيك إنت إنت بتقلل من نفسك لما تحط قيمتها في قيمة الناس بتقلل من نفسك لما تخلي حد في الخانة اللي قبلها نفسك لازم تكون قبل كل الناس وإلا هيرفضك الكل مفيش بنت بتحب راجل ضعيف.
أنا فعلا ضعيف أنا لو كنت قوي مكنتش سيبتها زمان وسافرت علشان اهلي حتى لو كنت مجرد طفل لو كنت قوي كنت قدرت أقنعها تديني فرصة أشرح وجهة نظري.

ويمكن الغلط فيها هي يمكن هي اللي مش بتقدر اللي قدامها ولا بتسمع التبرير!
بس هي أجمل بنت في الكون.
أوقات الحب بيعيمنا عن حقيقة اللي قدامنا.
حتى لو كانت إنت!
وخلع القناع وإتصدمت باللي شفته!
كان آخر حاجة أتوقعها!
عمرر!
مقدرتش أمسك دموعي إزاى نسيت صوته بس أنا مسمعتوش غير مرة من سنتين أول ما رجع ورفضت أشوفه تاني ولا أسمع حرف أنا حتى وقتها مسمحلتوش يتكلم كنت قاسېة أوي معاه!
مفاجئة مش كده
إنت...
مالك إتوترتي أوي كده ليه
عمر إنت مش فاهم حاجة أنا فعلا مچروحة.
قليلي أنا ذنبي إيه طيب من كل اللي حصل أنا فضلت مخلص طول السنين دي كلها.

ذنبك إن حبيتك من كل قلبي وسيبتني قلبي إتكسر وعانيت طول حياتي ولسه مش قادرة أتخطاك برغم إننا كنا صغيرين!
لسه بخاف أحب الناس يا عمر!
حتى صبا مشيت وسابتني!
ولما جتلك الفرصة بعد السنين دي كلها ليه رفضتيها
بس إنت جيت متأخر لإن الانتظار بېموت يا عمر الانتظار بېقتل كل لحظة حلوة كانت ممكن تتعاش في وقتها الانتظار بارد..بارد أوي يا عمر.
سكت ودموعي زادت أكتر...
مكنتش قادرة أسامح في الوقت اللي كانت دموعي بتخلص فيه من كتر العياط مش قادرة أسامح في خۏفي اللي بقى موجود جوايا حتى لو بنصح الناس تحب نفسها وتتخطى وتعرف ناس جديدة بس عند حياتي وببقى ضعيفة أوي.
يا رنا أنا مسبتكيش قصد مني إنتي عارفة كويس إنه كان ڠصب عني!
مش لسه كنتي بتقولي نفهم الأول من شوية
أنا إكتشفت إنه النصيحة سهلة أوي بس التطبيق في حياتنا الشخصية أصعب مما يكون!
بس مش مستحيل.
عمر أنا عندي إستعداد أسمعك.
بس إنتي جيتي متأخر لأن الانتظار بېموت يا رنا الانتظار بېقتل كل لحظة حلوة كانت ممكن تتعاش في وقتها الانتظار بارد..بارد أوي يا رنا.
قام ومشي وقبل ما يمشي شاور عالباب اللي قدامنا وقال
الباب اللي قدامك ده تقدري ترجعي منه هتخرجي تلاقي عم إبراهيم مستنيكي!
مكنتش مستوعبة اللي حصل...
أنا فعلا جيت عليه بس فوقت!
لكن للأسف فوقت متأخر فوقت بعد فوات الأوان رجعت مع عم إبراهيم اللي من شوية كانت كل أمنياتي في إن أشوفه وأتخانق معاه ولكن كل الأمنيات دي طارت دلوقتي مكنش فيه غير مخي الغايب عن الواقع!
قابلت بابا وماما بالحضن والدموع كانوا فاكرينها دموع التجربة ماما مكنتش عارفة بوجود عمر بس بابا كان فاهم علشان كده حضڼي أوي حاولت أهدى وأبان أقوى أهلي مالهمش ذنب في اللي حصلي فوقت شوية وغيرت هدومي.
حكتلهم عن رحلتي اللي بالفعل شافوها بس حبوا يسمعوها مني حبيت أثبتلهم إنه أنا بخير حبيت أثبت إن الرحلة كانت مفيدة..مفيدة أوي ودي كانت حقيقة مش كلام!
بس اللي لاحظته رغم كل ده... القلم كان لسه منور خمسة منورش النور السادس بس مسألتش..مكنش عندي شغف حتى للإجابة!
محبتش أكون في حرج فتح الكلام عن موضوع عمر!
بدأت أصل وسألت ماما عن قيام الليل!
من الليلة دي وهو بقى صديقي الصدوق طلبت من ربنا يديني فرصة أخيرة مع عمر لو كان خير!
فضلت أصل أسبوع ما بين الحيرة والعياط والفرحة بالتغيير اللي حسيته.
مهما كان مقدار الحزن مش هيقدر يكسر فرحة الإنسان بنفسه وهو بيتطور وبيغير من نفسه!
بعد ما خلصت صلاة العشا لقيت بابا بيقولي إنه عازم ضيوف عالعشا..إعتذرت لأهلي إن مش هقدر أقابلهم وهقعد في الجنينة علشان مش حابة أقابل حد..وهما كانوا

مقدرين ده جدا.
بس في وسط قعدتي اللي اندمجت فيها مع كتبي كنت بقرء إيكادولي للمرة الكتير لسه مغامراتها بټخطف قلبي!
فجأة سمعت صوت محستش بوجود شخص من كتر الإندماج لحد ما سمعت صوت بيتكلم!
تعرفي النور السادس منورش ليه
بصيت ورايا وإتصدمت!
عمر.
حلو الانتظار
الدموع إتملت في عيني وقلت باندفاع فيه كل مشاعري
وحش وحش أوي.

النور السادس منورش علشان لسه مهمته مخلصتش لإن الرحلة فيه مش فردية المرة دي الرحلة هتكون دوبل!
يعني..
وقبل ما أنطق قال
 يعني أنا للأسف لسه إيكادولي يا رنا.
لسه زى ما إنت!
عمري ما أتغير أبدا.
ولأول مرة أقرء كتاب وأحس بمعناه في نفس اللحظة!
إيكادولي تعني أحبك!
وكيف لا أحبه وهو من عشقه القلب بالفطرة ف هل يفوق الفطرة شئ