وقفت ليه ياعم ابراهيم

معاكي هتديكي هي الحنية والسند والضهر هتديكي هي القلب الطيب والمعاملة الحلوة مفيش أب وأم بيكرهوا عيالهم بس فيه أب وأم بيتدايقوا من تصرفات عيالهم يمكن هي تصرفاتها هادية وعاقلة علشان كده بيعاملوها حلو مع إن ده مش مبرر ليهم أبدا بس أهلنا بينا وبينهم فرق فوق العشرين سنة أهلنا حياتهم زمان وتفكيرهم غيرنا مكنش فيه كورسات تربية ولا يعرفوا غير اللي أهلهم ربوهم عليه إرحمي ضعفهم وجهلهم وواجهيهم براحة وإرحمي أختك ملهاش ذنب تكسري بخاطرها مينفعش تاخدي حد بذنب حد تاني.
بس أنا إتأذيت منها كتير أوي كل ما كانوا يزعلوها كانت بتؤذيني أنا كل ذكرياتي معاها تجاهل ومعاملة وحشة بجد.
يمكن لو كنتي بتحكي عن صاحبتك كنت قلتلك إقطعي معاها بس دي أختك يعني قلبك قابل للسماح ليها وقادر يمحي كل الذكريات دي ويحولها لذكريات أحسن وأجمل.
معتقدش ينفع مش عارفة هقدر ولالا!

وليه نحط نفسنا في زون السؤال ده أصلا!
هي التجربة صعبة عليكم
الاتنين سكتوا يمكن كانوا عارفين كل الكلام ده بس مكنش عندهم الجرأة يطبقوه أو حد ياخد الخطوة الأولي علاقات كتيرة زيهم بس محتاجين حد يزقهم هيروحوا في مكان تاني خالص.
إوعدوني إنكم تحاولوا عاوزة أقولكم إن فاقد الشئ يعطيه وبشدة أنا أه معنديش أخت بس أقدر أديكم نصايح تحافظوا على بعض الأخت نعمة متتعوضش وإفتكروا إن فيه كتير زيي محتاجين نعمة زى اللي إنتوا عاوزين تخسروها بسهولة دي!

انتي راحة فين! إستني إحنا منعرفش عنك حاجة.
فيه أوقات حد بيظهر في حياتنا بيكون ضيف خفيف بنشوفه مرة وبيختفي بس أثره بيفضل موجود طول العمر أتمنى أكون أنا الضيف ده!
سمعت صوت تكة غريبة بصيت لقيت القلم نور لون بيبي بلو لوني المفضل!
وبكده عرفت إن أول مهمة ليا تمت بنجاح!
حسيت إن مبسوطة إحساس إن الإنسان يكون ذا أثر ده جميل جدا.
مشيت وكملت طريقي إتحمست أدخل المهمة التانية على طول...
لقيت المرة دي بنت لوحدها حسيت إنه هي دي اللي مهمتي التانية هتكون معاها.
كان صعب جدا على شخص زيي عنده رهاب إجتماعي يقرب من حد ويبدء كلام بس مفيش حل تاني غير ده قدامي.
ملامحك حزينة وعيونك مليانة دموع شكلك زعلانة أوي.
ومين الدنيا مريحاه
الجملة إستوقفتني جامد ومين الدنيا مريحاه فعلا
ده كلام كبير أوي.
تعرفي
أعرف إيه!
أنا هحكيلك حكايتي عارفة ليه
ليه
علشان إنتي شخص غريب ممكن مقابلكيش تاني أوقات بنحتاج نحكي لحد مانعرفهوش يمكن طبيعتنا ك بشړ مش بنحب مشاعرنا وإنكسارنا يبانوا قدام أى حد حتى لو أقرب حد لينا بنحب نبان أقوياء حتى في أسوء حالاتنا.

وأنا عاوزة أعرف حكايتك.
تعرفي إن أسوء شعور ممكن حد يحسه هو شعور الفقد شعور إنك تخسر حاجة كنت متطمن إنها معاك وفجأة تروح منك من غير مقدمات حاجة كنت ضامن وجودها والأوحش لو الحاجة دي كانت شخص!

أنا خسړت أقرب شخص لقلبي الشخص اللي كنت بقدر أحكيله وأشكيله الشخص اللي كان بيصلح حاجات مبوظهاش قرأت مرة إنه فيه شخص هيكون موجود مرة واحدة بس في العمر الشخص ده مش هيتكرر وبيكون فرصة واحدة للأسف الشخص ده مشي وسابني لوحدي تايهه في ضغوطات الحياة مش فهماها.
طب الشخص ده مشي ليه إنتي ممكن ترجعيه.
ده مبيرجعش عارفة ليه
لأنه مشي بسبب الظروف كان شخص كويس لآخر لحظة بس الظروف فرقتنا بقيت أخاف أدي الأمان لأى حد لأن حتى لو شخص كويس وارد يسيبني في أى لحظة عادي الظروف مبترحمش حد.
أوقات بسأل نفسي ليه بنحب الناس دي وبيدخلوا حياتنا مدام هيمشوا ويسيبونا!
سمعتها وأنا سامعة صوت قلبها بيتفتت بعد ما سمعتها سكت شوية وبعدين إتنهدت تنهيدة كبيرة وبدأت أتكلم
بصي يستي حاجة إتعلمتها مؤخرا إن الناس في حياتنا فترات متستغربيش حتى أهلك اللي عايشة معاهم ممكن لاقدر الله حد ېموت ويبقى فترة كل شخص بيدخل حياتك بيكون له هدف من دخول حياتك يا بيكون دواء يا بيكون ابتلاء يا بيكون حد هيعلمك درس المهم هيكون له دور حتى الناس الۏحشة بتتعلمي منهم الحلوين بيطبطبو عليكي وبيعرفوكي إن الدنيا لسه فيها خير والوحشين بيعلموكي درس ماهو دروس الحياة هنتعلمها منين
تعرفي إن معنديش خبرة علشان متعلمتش دروس حياة كتير علشان بخاف أتعرف على الناس من