وقفت ليه ياعم ابراهيم

بعد ما عرفت صاحبة ليا وسابتني مع إن كان ممكن أعرف مية صاحبة غيرها وأحسن منها بس خۏفي منعني أخوض التجربة طب أقولك سر
سر إيه
_أنا إكتشفت إن نفس المشاعر هي ذات نفسها اللي هنعيشها تاني بعد كام سنة مشاعر الحب اللي عيشناها مع شخص هنعيشها بعد خمس سنين مثلا مع شخص تاني هي نفسها مشاعر الألم دلوقتي هنحس نفسها برضه بعد كام سنة مشاعر الفرحة مشاعر الخۏف والتردد والكلام ده بقوله ليا وليكي ليه خاېفة تبدأي تجربة جديدة
ما يمكن الجديدة أحسن!
مين قال إن الأشخاص مبيتعوضوش إحنا قادرين نعوض أى حاجة أهو الأشخاص بالذات هما أكتر حاجة بتتعوض!
مدام الخسارة مش في دينك ولا أهلك ولا صحتك ف هي مش خسارة هي درس حياة...والكلام ده مش من فليسوفة ولا حاجة أنا لسه مكتشفة الكلام ده زيي زيك ومطبقتهوش.
وقبل ما أكمل كلام جه شخص واضح إنه أخوها وقالها إنه إتأخروا ولازم تمشي.
غمزت بعينها وهي ماشية.
هحاول.
فجأة القلم الأصفر طلع منه لون بيبي بلو تاني وحقيقي شكله بيبقى لطيف أوي سوا اللونين دول بحبهم سوا أوي بابا إهتم بتفاصيلي حتى هنا!
حسيت إن تعبت ف قعدت أرتاح وفجأة ظهر الشخص صاحب القناع الأسود!
ده الأكل لازم تاكلي كويس.
معلش هو سؤال فضولي ملوش لازمة بس لازم أقوله.
إتفضلي.
هو إنت ليه مخبي وشك هيحصل إيه لو أعلنت عن نفسك!
هيحصل كتير.
هو ليه صوتك مش غريب عليا أنا قابلتك قبل كده
قابلتيني بس صعب تفتكريني!
إشمعنا صعب
لما تعرفيني هتعرفي ليه صعب.
وغير الموضوع بسرعة
المهم كلي دلوقتي.
أنا عاوزة أروح دلوقتي.
مفيش مرواح يا عسل.
إتكلم بأسلوب أحسن من كده.
إذا كان عاجب.
والله أنا ممكن أقول لبابا عليك.
قوليله لو تقدري.
إنت شخص قليل الذوق.
مش أكتر منك.
إنت إزاى تكلمني كده هو إنت نسيت نفسك ولا إيه
أنا رنا هانم.
كلنا ولاد تسعة كفاية شغل العنتظة ده بقى.
لأ إنت قليل الذوق أوي بقى.
ممكن تتفضلي تاكلي وانتي ساكتة علشان لو مكلتيش مفيش أكل غيره.
على فكرة أكيد بابا بيتابع كل ده وهيفصلك.
بابا مبيتابعش علشان معتمد عليا وواثق فيا ولو تقدري تعمليلي حاجة إعملي.
أنا حقيقي كانت مستفزاني طريقته مش معقول شخصية قليلة الذوق بالشكل ده اضطريت أكل علشان الجوع صعب ومعرفش مصيري إيه في الزمن ده.
بعد ما كلت قعدت أظبط الميك أب بتاعي
على فكرة إنتي قمر من غير حاجة.
هو إزاى قادر يتحول بالشكل ده!
محدش طلب رأيك على فكرة!
حتى الكلام الحلو مش عاوزة تسمعيه.
وفره لنفسك مطلبتوش.
انتي تطولي تاخديه من حد وسيم زيي.
وأنا أعرف وسامتك منين أنت متغطيلي ببتاع شبه الحرامية أنت لو شافك طفل هيجري منك.
طب ممكن تلمي لسانك اللي بينقط سكر ده.
والله يا عسل محدش قالك جر شكلي.
كلتي يا رنا هانم
طفحته.
طب أطير أنا بقى.
رغم إن مش طايقاه بس إحساس إن فيه حد من ريحة بابا هنا ده مريحني أوي ومحسسني بالأمان حتى لو الشخص نفسه قليل الذوق زى ده.
هتيجي تاني
إيه هوحشك
وحش يلهفك يا بعيد عاوزة أعرف هنام فين.
أعوذ بالله وقت النوم يختي هظهرلك أعرفك مكانك.
مردتش عليه وهو مشي ورجعت تاني لمكاني وقررت أستعيد روح المغامرة وأكمل طريقي..!
مشيت والمرة دي لقيت حد بيضحك أخيرا حاجة تفتح النفس في العالم الكئيب ده اللي كله عمال يتخانق فيه يا فرج الله يارب.
روحت قربت منها كان باين عليها ست في اواخر التلاتينات كده قعدت جانبها ولقيتها عمالة تقول شكرا يارب شكرا يارب.
ماشاء الله ملامحك حلوة أوي وإنتي بتضحكي.
ده ملامح الفرحة الفرحة بتنور الوش يابنتي.
ممكن لو مش هتعتبريه تطفل أعرف السبب اللي منور وشك كده لو مش هيدايقك طبعا.
أنا كنت بنام كل يوم معيطة سلفتي على طول توجع قلبي بالكلام وإن خلفتي بنات رغم إن أنا بحب البنات جدا البنات دول هما اللي بينوروا البيت وبيشيلوا أهلهم لو تعبت أنا أو أبوهم بيجروا علينا بيكونو أول إيد تطبطب بيكونوا الطبيب لو تعبنا بيكونوا القلب الحنين لو وقعنا وهزمتنا الحياة ورغم ده مسلمتش من أذى وكلام سلفتي وأختها جوزي لما كان يعاتب أخوه يقوله مراتي مغلطتش ما إنت فعلا خلفتك بنات فضلت أقيم الليل وأدعي ربنا يجبرني عارفة إن الولد مش هو الجبر بس أنا نفسي أرتاح من كلامهم أوقات المعايرة مبتكونش في دماغنا