الدهشنه آية محمد رفعت .. 

تفطري في وقت زي ده! 
ذمت شفتيها بضيق 
_هنا اللي بيصحى من النوم الفطار بيتحضرله على طول من غير أي نقاش.. 
منحها ابتسامة ساكنة فجحظت عينيها في صدمة وهي تتطلع لمن يقف خلفه فاستدار ليجد آسر يدنو منه فوقف مقابله ثم قال بغموض 
_قالولي ان همام أخد عليك أوي وأنا عايز أشوف ده بنفسي. 
استدار تجاهه آيان ثم قال بسخرية 
_هو أنتوا لسه محسسني أن همام ده وحش ده مجرد خيل والتعامل معاه بسيط. 
اقترب منه آسر ثم تطلع له بغموض انتهى حينما قال 
_أيه رأيك في سباق ولا مالكش غير في سباقات الحياة.. 
ضيق عينيه وهو يشير له باستغراب 
_سباق وأنت بالحالة دي! 
اجابه بنفس الابتسامة 
_متقلقش عليا أنا كويس.. 
رد عليه باستسلام 
_معنديش مانع.. 
هبط آسر الدرج ثم قال 
_حيث كده تعالى ورايا. 
راقبتهم روجينا پخوف فما أن خرجت تسنيم من الباب الداخلي فأشارت لها روجينا قائلة 
_خديني عند الاسطبل يا تسنيم.. 
قوست حاجبيها باستغراب 
_ليه.. 
دفعت المقعد بيدها وهي تشير لها 
_بسرعة بس وهقولك واحنا رايحين.. 
انصاعت لها ودفعت المقعد حتى وصلوا بالقرب منه فصدمت تسنيم حينما رأت آيان يمتطي همام وآسر أحد الفرس الأصيل وعلى ما يبدو استعداد كلا منهما لسباق سيبدأ الآن.. 
اقترب آيان منه بالفرس ثم قال بدهشة 
_ليه ادتني همام وهو يعتبر الافضل بين الفرس مش خاېف تخسر! 
بسمة ثقة تحلى بها آسر وهو يجيبه 
_الخسارة والفوز المسؤول عنهم الفارس مش الخيل.. 
ثم أشار له بابتسامة غامضة 
_جاهز! 
هز رأسه إليه فانطلق كلا منهما تجاه العلم الصغير الذي وضعه آسر ليضع نقكة نصر لمن يصل أولا فتفاجئ آيان بسرعة الخيل الذي أجبره آسر على الانصياع لأوامره فاخترق العلم أولا ومن خلفه آيان وحتى وإن لم يكن يفصلهما سوى مسافة صغيرة ولكنه من حقق النصر هبط آيان عن الفرس ثم دنى من آسر ليقول بإعحاب 
_عندك حق الفارس بيقلب الموزين مش الفرس.. 
ثم تساءل باهتمام 
_شكلك غاوي ركوب الخيل من سنين. 
هبط آسر عن الخيل ثم قال 
_من وأنا عندي 8سنين تقريبا وبالرغم من ان رجلي اتكسرت أربع مرات الا اني كنت مصمم اتعلم ركوب الخيل لاني لما بحط في دماغي حاجة مفيش قدامي عائق ممكن يوقفني.. 
أومأ برأسه بتفهم ثم قال بلمحة من الحزن 
_مش وحش انك تكون بتمارس الحاجة اللي بتحبها وعندك وقت لده. 
حزن آسر لاجله لاول مرة فدنا منه ثم قال 
_وحتى لو مقدرناش نحقق احلامنا بالطفولة معانا العمر كله اننا نعيش اللي مقدرناش نعيشه.. 
هز رأسه وهو يهمس بشرود 
_عندك حق.. 
ابتسم آسر وهو يشير له بجدية مصطنعة أحبها آيان 
_طب أيه مش هتساعدني ننضف الاسطبل النهاردة ولا هتخلع زي الباقي.. 
ابتسم وهو يجيبه ساخرا 
_وأنا ورايا أيه يعني.. يالا.. 
اتجهوا سويا للاسطبل ونظرات فهد تراقبهم بابتسامة مكر وانتصار لما خاضه من تحد سافر وانتصر عليه بجدارة.. لا يعلم بأن القادم سيجعله هو شخصيا يخوض علاقة من نوعا مختلف ستجمعه بألد أعدائه. 
......... يتبع................. 
الدهاشنة... بقلمي_ملكة_الإبداع_آية_محمد_رفعت... 
_____________
٥١٢ ١٤٦ ص زوزو الدهاشنة 3. وخفق_القلب_عشقا.. 
الفصل_الرابع_والأربعين.. 
إهداء الفصل للقارئة الجميلةجنان رمضان من فلسطين الحبيب شكرا جزيلا على دعمك المتواصل لي وبتمنى أكون دائما عند حسن ظنك يا جميلة...قراءة ممتعة 
يقال أن الأيام وحدها قادرة على صنع المعجزات وكذلك كان حال ذلك الغريب عن أهل منزله فيوما عن أخر تقبل الجميع وجوده بسرايا الدهاشنة حتى بات له وجود ملموس مع الجميع فقد حرص فهدعلى أن يجمعه بالشباب جميعا فكان يختصه بفعل أي شيء بصحبتهما بهدف المساعدة واليوم كان عائدا بصحبتهم على الجرار بعدما انتهوا من العمل بأحد الأراضي التابعة للعائلة فاستلقى آيان على المقطورة الخلفية بإنهاك واضح على معالمه فاستدار بدر برأسه للخلف ليتأمل حالته بنظرات ساخرة لم يمررها كذلك دون أن يجاكره بكلماته اللازعة 
_شكلك مكنتش واخد على الشقى يابن المغازي.. 
سلطت نظرات الشباب بأكملهما عليه فقال آسر بتحذير 
_وبعدين يا بدر أنت مش هتهدى اللعب بقى عندك استعداد تناغش فيه الساعة مبتزهقش يا جدع ولا أيه! 
ضحك يحيى ثم قال وهو يمسك بذراع آيان ليتمدد جواره 
_والله يا بدر كلنا هلكنا من الشغل مش آيان لوحده فلو أنت حاسس ان لسه جواك طاقة ونشاط روحنا وارجع كمل أنت .. 
تعالت ضحكات الشباب وخاصة حينما حدجه بدر بنظرة محتقنة فأضاف عبد الرحمن وهو يقضم قطعة من القصب الشهي 
_متحبكهاش يا واد عمي فكها وخلي خلقك استرتش. 
تعالت الضحكات الرجولية فيما بينهما فقال أحمد هو الاخير 
_ده الواد اليومين اللي قضاهم معانا بالغيط خس النص يا عين أمه وكل ده عشان يرضي الكبير وفي الأخر تزود حمله بحديثك الماسخ.. 
إتكأ أيان على معصمه ثم نهض ليستقيم بجلسته ليباغتهما بقوله الساخر 
_انتوا هتشحتوا عليا ولا أيه! 
ضحك يحيى مطولا ثم قال بصعوبة بالحديث 
_ده جزاتنا اننا بنحنن قلب بدر عليك.. 
أجابه بتريث 
_أنا أخدت عليه كده ولو إتغير هحس ان في حاجة مش تمام.. 
عاد ليتطلع لهما مجددا فصاح به أحمد پغضب 
_ولا بص قدامك وانت بتسوق بدل ما نروح في خبر كان لو العصبية واكلة قلبك تعالى اقعد ورا وأنا أسوق عايزين نربي العيال اللي لسه جاية دي الله يحرقك.. 
أوقف بدر الجرار مرة واحدة فانكفئ الجميع على وجوههم ثم صعد للخلف ليجلس جوارهما مشيرا بيديه بعصبية بالغة 
_أنا غلطان إني بريحكم اطلع سوق يابو لسان طويل... 
ووزع نظراته القاتمة بينهما جميعا ثم قال بضيق 
_خلاص بقيتوا كلكم من حزب ابن المغازي أكل بعقلكم حلاوة الفترة اللي قاعدها معاكم في الغيط! 
ابتسمأيان ساخرا ثم قال باستنكارا 
_ياريتني أفهم العقول يا بدر على الأقل كنت قدرت أفهم دماغ فهد وأعرف أيه اللي بيفكر فيه. 
لكزه آسر بقوة ثم قال بعينين ملتهبة 
_قولتلك عود لسانك يقول الكبير مش هطيق أسمعك بتقلل منه وأنت بتناديه باسمه كده.. 
قال بنفس الابتسامة 
_بحاول بس أنا أخدت على كده.. 
أتاهم صوت أحمد من الأمام يخبرهما 
_وصلنا يا رجالة.. 
دخل الجرار للجراج الخاص بالسرايا فصفه أحمد بعناية ثم هبط ليلحق بالشباب للداخل فوجدوا فهد يقف على الدرج الصغير المؤدي للباب الداخلي في انتظارهما فحانت منه نظرة متفحصة تجاه آيان الذي يوشك على الصعود لغرفته فأشار له بعصاه ليهم بالاقتراب منه قائلا بأستغراب 
_في حاجة يا فهد 
ابتسم وهو يتطلع لهيئته المشعثة وملابسه التي يملأها الۏسخ ثم قال بثبات 
_غير خلجاتك وانزل عشان تأكل معانا.. 
أومأ برأسه في طاعة 
_أوكي. 
ثم استدار ليغادر فأوقفه صوت الكبير حينما اخبره 
_عندك ضيوف فوق متتأخرش كتير.. 
استدار تجاهه ثم تساءل بذهول 
_ضيوف مين دول 
رفع فهد عينيه تجاه شرفة غرفته فتطلع آيان لما يتطلع إليه فوجد خالته في

انتظاره فصعد على الفور للأعلى وما أن ولج للداخل حتى ألقت نظرة متفحصة على حاله والذهول ينال منها كانت تحاول تستوعب أن من يقف أمامها هو نفسه ابنها المغرور التي حرصت على زرع به كبرياء لا يتنازل لأحدا قط فتحرر لسانها أخيرا وهي تشير له پصدمة 
_أيه اللي أنت عامله في نفسك ده يا ولدي ده أني مصدقتش عمك لما قالي إنك اهنه في بيت فهد ومشغلك كيف الخدامين ازاي تسمحله يعمل فيك اكده 
لاح على وجهه الرجولي ابتسامة ساخطة واتبعها صوته المستهزأ من حديثها 
_عملت اللي حسيته صح لأول مرة في حياتي.. 
رفعت حاجبيها باستنكار 
_الصوح إنك تخليه يزلك ويكسرك! 
في ذلك الوقت كان بدر يؤدي مهامه المكلف به من قبل عمه